فاكرين الرجل الاخضر؟؟
.أنا النهاردة بقى قابلت المرأة الخضراء
.آه والنعمة 🙂
.وأنا راجعة بالمترو النهاردة كانت قاعدة قدامي ست لابسة – خير أللهم اجعله خير – أخضر في أخضر
كانت لابسة كوفية و”الكابيشون” (يعني زعبوط لا مؤاخذة) تريكو أخضر زرعي، وبالطو صوف بزراير نحاس أخضر كموني، وجوانتي أخضر جلد زتوني، و”كولون فيليه” أخضر جنزاري. مش بس كدة. دي كانت قاعدة تحل كلمات متقاطعة وماسكة فى إيدها قلم إيه يا ولااااد؟
.”أخضر”ميتاليك
لكن الشنطة والجزمة كانوا الاتنين جلد اسود. قعدت استرق النظر ليها وأنا على وشي ابتسامة مش عارفة أخفيها. وقلت في نفسي ما كانش ناقص غير إنها تصبغ كام خصلة من شعرها أخضر وتحط مانيكير أخضر كمان. آآآه ما هي موضة، وأنا في بلد متصالحة تصالح تام مع كل وأي تقاليع.
المهم وأنا قاعدة مسترسلة في أفكاري، وكل شوية أبص يمين وشمال لا يكون فيه حد واخد باله من عملية المراقبة بتاعتي، لقيتها بتفتح الشنطة. وتابعت بترقب وأنا بأسأل نفسي يا ترى حاتطلع حاجة خضرا من الشنطة؟ بس هية طلعت موبايل اسود عادي. لكن وأنا لسة بدور عيني الناحية التانية، لقيتها قلعت الجوانتي عشان تكتب رسالة موبايل. وإذ بي أفاجأ إن المانيكير طلع فعلا أخضر بس مقشر وحالته حالة
لو حبيتو الكاميرا وعاوزين تشوفوا شخصية مماثلة (غير بطلة الكاميرا)٬ زوروا اللينك ده
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s